मेरो देश
जहाँ एकातिर शान्तीको कामना गर्दै सेता परेवा उडाइन्छ
बिडम्बना नजिकै बन्दुक बन्दै छन
सेता परेवा सँगै आकाशमा बाजको पनि कमि छैन जो परेवा मारेर खुशी हुन चाहन्छ
आक्रमण गर्छ बारबार
रन्थनिन्छ परेवा
सुस्ताउँछ शान्ती
शिथिल तर मरेको छैन
यस्तै मेरो देशको शान्ती
जो यहीँबाट सुरु भयो अनि
अनि अन्त्य गर्न यसैका सन्तती लागेका छन
ए नवयुगका पाखुरा हो
अब तिमीहरूले चिन्नु पर्छ
जरुरी छ
बाज मार्नु पर्छ
सेता परेवा उडाउनु छ
फुलाउनु छ शान्ती
बन्दुकलाई भाँच्नु छ
अनि आउनेछ शान्ती
जो तिम्रो पुस्तालाई अनिवार्य छ
नजिक जान्छु टाढा सर्छे रिसाएर हेर्छे
मनको माया सारा अन्तै बिसाएर हेर्छे
मेरि एउटि मायालु छ कोमल हृदयकी
टाढा सर्दा नजर नजर टिकाएर हेर्छे
भेट नभए उ संग मेरो मैले सुनें कतै
छ तस्बिर मेरो उ छेउ आएर हेर्छे
माया छ म प्रती पर्देशिन्छु भन्दा
प्यार साथै घुर्की पनि मिसाएर हेर्छे
माया गर्छे मलाई कति छुट्टिन्छु म भन्दा
माया लाग्छ आँशुले गह भिजाएर हेर्छे
21-02-2015
के हेर्दैछ अझै देशमा सरकारले
ढाकेको सारा देश अन्धकारले
बुद्धको देशमा कस्तो मन भेटिन्छ
शान्ती ल्याउँछु भन्छन तरबारले
बामे सर्ने बालक एकदिन दौडिनेछ
निखार ल्याउँछ एकदिन लगातारले
परिपक्वता भन्ने आकारमा हुन्न
सारा सिकाउँछ जिवनमा व्यबहारले
संसार छोडी त्यागी बन्न मन छ अब
हत्या बलात्कार मात्र लेख्छ समाचारले
मन दुख्दा आँशु दाना झर्छ किन होला
उनि चुपचाप मनमा पिर पर्छ किन होला
जति जति मायालु म बाट टाढा हुन्छिन
यो मन उतिउती नजिक सर्छ किन होला
देखाएर खुशी लहर जिन्दगीमा दैव
अनि खुशी बिधाताले हर्छ किन होला
चाहना मनभित्र कति छ यो जिन्दगिको
निराशा मै एकाएक टर्छ किन होला
भेट्टाइन्छ रमाइन्छ संबेग कति कति
समयले छुटाउने खेल गर्छ किन होला
जब मनपरि चलाउँछ सरकार यहाँ
देश जोगाउन निकाल्नेछु तरबार यहाँ
कतिसम्म लाचार भयौं हामी जनताहरु
के पाउँदैछौँ फालेर दरबार यहाँ
लेखिन शुरूवात भएको छैन अझै
कस्तो आउँदैछ संबिधान प्रकार यहाँ
सानो देशलाई टुक्राटुक्रा पार्न खोज्दै
कस्तो बनाउनु छ देशको आकार यहाँ
स्वार्थमा डुबेका सारा नेताहरु यिनै
उठ हुन्न हाम्रो सपना साकार यहाँ
आजको नेपाली विनिमय दर