गजल

तिमीलाई सातै जुनि माग्थेँ यदि पुग्थ्यो भने
यो जिन्दगी तिम्रै लागि भाक्थेँ यदि पुग्थ्यो भने

मेरो मनको ठूलो चाह तिम्रो मुहारमा खुशी
आफैँलाई बन्धकी म राख्थें यदि पुग्थ्यो भने

छाला भित्र हाड अनि उसैभित्र भाग्य भन्छन्
भाग्यलाई पटकपटक चाख्थेँ यदि पुग्थ्यो भने

पाउन नसकिने रहेछ भाग्य भन्दा धेरै यहाँ
पाउन भाग्य निरन्तर लाग्थेँ यदि पुग्थ्यो भने

संस्कृतिका बन्देज हरु छरपष्ट हुँदाहुँदै
चाहनामा तिम्रो सारा नाघ्थें यदि पुग्थ्यो भने