पोख्नु हुन्न यी नयनमा ठुलठुला तालहरु छन
जिन्दगीमा सुल्झाउने अनेकन सवालहरु छन
बिछोडको भुमरीले मायाको घर उडाइदियो
मुटु ढाक्ने जसोतसो संझनाका पालहरु छन
रातदिनको पीडामा जल्दा जीवन कति चल्ला?
मिठा मिठा कल्पनाका धेरै ती सालहरु छन
भेटिएन कोहि मनलाई यथार्थमा माया गर्ने
देखावटी माया दिने सामाजिक संजालहरु छन
भेदभावकै कठघरामा अझै कति बस्छ समाज?
फेरिए नि युग मनमा उही पुरानै पर्खालहरु छन
0 comments:
Post a Comment