आशा पूरा जीवनमा होस नयाँ सालको शुभकामना
शान्ति हरदम मनमा होस नयाँ सालको शुभकामना
प्रदुषित बिश्वकै हाम्रो राजधानी हुनुहुन्न अब
शुद्धता यो पवनमा होस नयाँ सालको शुभकामना
नबेचिउन मान्छेहरु पैसाको पछि लाग्दै अझै
मानवता हर धड्कनमा होस नयाँ सालको शुभकामना
मधेसी पहाडी भन्छौँ बुझौँ पहिले नेपाली हौँ
समानता हर नयनमा होस नयाँ सालको शुभकामना
बोलिको भरमा हुने भए यो देश स्वर्ग बन्थ्यो
पुर्णता नेता बचनमा होस नयाँ सालको शुभकामना
#समय
२०७२-१२-३०
0 comments:
Post a Comment