रहर पूरा हुन्न कान्छी कल्पनामा नाच्छौ किन
पूरा हुनै गारो पर्ने खुशी हरु साँच्चौ किन
मनले मनलाई खुशी बनाउन सक्नुपर्छ
उसको भन्दा मेरो खुशी कम छ दाँज्छौ किन
मुटुको मेरो प्यार हो देखावटी कत्ती हैन
कहिलेकाहीँ नजाने झै मेरो माया दाँज्छौ किन
पलाएका अलिअली खुशीलाई साँच्दै राख
एकैबार खुशी पाउन खुशी मुना भाँच्छौ किन
ठुलो आशा बिनाको नै जीवन ज्युन सहज छ
घाँटिभन्दा हाड ठुलो लिइकन बाँच्छौ किन
0 comments:
Post a Comment