अहिले राम जन्माएर देखाउ भगवान अनि पो जय हुन्छ
मनमनमा तिम्रो नाम लेखाउ भगवान अनि पो जय हुन्छ
स्त्री लम्पट कृष्णहरु त यो युगमा कति छन कति
कोहि यस्तो भीष्म पठाउ भगवान अनि पो जय हुन्छ
खै तिम्रो मौनताले के पाउन सकेको छ र
आफू प्रकट भइ संकट हटाउ भगवान अनि पो जय हुन्छ
जो हजुरको नाम लिन्छ असहाय निमुखा तीनै
सारा तिनको दुख मेटाउ भगवान अनि पो जय हुन्छ
सत्य सोचमै सिमित छ झुटले सिमा नाघ्यो
रोकाउ झुट छेकाउ भगवान अनि पो जय हुन्छ
0 comments:
Post a Comment