घमण्डको खोल तैंले ओढेर के पाइस
बाआमा र घरपरिवार छोडेर के पाइस
पराइले त छोड्छन तँलाई यति जान्दाजान्दै
फेरि उसको जिन्दगीलाई गोडेर के पाइस
सँगै ज्युने बाचा गरिस बनावटी माया सँग
आफ्नै बचन फेरि ब्यर्थै तोडेर के पाइस
एक्लो थिइस पहिले पनि फेरि भइस एक्लै
दुइचार दिनलाई मुटु तैंले जोडेर के पाइस
मन लाग्दै गरिस तैले यति बेर सम्म
भन्न `समय´ हजार मोड मोडेर के पाइस
0 comments:
Post a Comment