गजल

गाऊँ र शहरको कुरा छुट्टै हुन्छ बिज्ञा
बाध्यता र रहरको कुरा छुट्टै हुन्छ बिज्ञा

सुख कल्पनाको पहाड हुन्छ सबको मनमा
पियुष र जहरको कुरा छुट्टै हुन्छ बिज्ञा

जीन्दगी यो पक्कै पनि अलि लामो होला
जीवन र एक प्रहरको कुरा छुट्टै हुन्छ बिज्ञा

सुख दुख जीन्दगीमा आउँछन अनि जान्छन
नदि र नहरको कुरा छुट्टै हुन्छ बिज्ञा

के सोचिन्छ जीन्दगीमा भइदिन्छ अर्कै
यथार्थ र रहरको कुरा छुट्टै हुन्छ बिज्ञा