दुई चार दिन

पाउनेछौ तिमीले मलाई बेर्न पर्ख दुइचार दिन
ति आँखाले आँखा भरी हेर्न पर्ख दुइचार दिन

नहुँदा म तिम्रो सामु यस्ता भाव लेख्छौ तिमी
साथै भए कस्तो हुन्छ केर्न पर्ख दुइचार दिन

दुइ जिवन एक धड्कन बाध्यता हो समयको
एकै धड्कन एकै स्वास फेर्न पर्ख दुइचार दिन

पाउनेछौ जहाँ  तहिँ साथ अब जुनि   भरि
न्यानोपनले यो मनलाई घेर्न पर्ख दुइचार दिन

प्रतीक्षाको फल मिठो पक्कै हुन्छ हेर्दै जाउ
नआउ आवेशमा आफु सेर्न पर्ख दुइचार दिन

०१-०४-२०१५