को गर्दछ देशलाई माया हेर्छु म मनबाट
अनि के दिन चाह देशलाई जीवन बाट
नाम मात्रका देश भक्तिको घुइँचो छ देशमा
दिँदैछन तिलान्जली जनता आफ्नोपन बाट
अधिकार पाउन जीवन त्याग्न सक्छन बरु
पन्छिन्छन पुरै आफ्नो कर्तव्य बहन बाट
सिमा मिच्दा देश रुन्छ चिच्याउँछ सकेसम्म
बहिरा छन सायद सबै उठ्दैनन शयन बाट
खोक्रो नारा बजारमा छ गर्व छ नेपाली हुन
देशको लागि भाग्छन तर जीवन समर्पण बाट
0 comments:
Post a Comment