सहर प्यारो लाग्थ्यो तिमी थियौ र पो
रहर प्यारो लाग्थ्यो तिमी थियौ र पो
बाँच्न साथै मर्न पनि साथ दिने हुँदा
जहर प्यारो लाग्थ्यो तिमी थियौ र पो
जुनि यसरी बित्ला सारा जीवन भरी
ठहर प्यारो लाग्थ्यो तिमी थियौ र पो
रिसाउँदा घुर्की लाउँदा फकाउने तिम्रो
कहर प्यारो लाग्थ्यो तिमी थियौ र पो
दुख जस्तै नहोस जिन्दगीमा नै किन
सफर प्यारो लाग्थ्यो तिमी थियौ र पो
0 comments:
Post a Comment